ՏԵՍԱՆՅՈՒԹ. Պուտինը նախագահական ընտրություններում քվեարկել է առցանց

Ռուսաստանի նախագահի թեկնածու և պետության ներկայիս ղեկավար Վլադիմիր Պուտինը նախագահական ընտրություններում քվեարկել է առցանց։ Այս մասին տեղեկանում ենք Կրեմլի հրապարակած տեսակադրերում:

Հրապարակված տեսանյութում երևում է, որ նա մոտեցել է իր աշխատասենյակի համակարգչին, կատարել իր ընտրությունը, ապա ժպտացել ու ձեռքով ցույց տվել տեսախցիկը։ Էկրանի վրա հայտնվել է ծանուցում. «Շնորհակալություն, դուք հաջողությամբ քվեարկել եք»:

Առցանց քվեարկությունն առաջին անգամ է կիրառվում Ռուսաստանում նախագահական ընտրություններում(այն հասանելի է երկրի շրջանների մոտավորապես մեկ երրորդում): Միևնույն ժամանակ, նա մեկ անգամ չէ, որ օգտագործել է իր կամքն արտահայտելու այս մեթոդը։ Վերջին մի քանի տարիների ընթացքում Պուտինը հեռավար կերպով մասնակցում էր աշնանային միասնական քվեարկության օրվան:

ՌԴ նախագահական ընտրությունները տեղի կունենան մարտի 15-ից 17-ը։ Առաջին անգամ դրանք անցկացվում են երեք օրվա ընթացքում: Պետության ղեկավարի պաշտոնին հավակնում են չորս թեկնածուներ՝ Վլադիմիր Պուտինը, Վլադիսլավ Դավանկովը, Լեոնիդ Սլուցկին և Նիկոլայ Խարիտոնովը։