Լոնդոնը վստահում է Կիևին և նրա խոստումներին. Մեծ Բրիտանիայի ԱԳ նախարար

Լոնդոնը պատրաստ է օգնել Բեռլինին լուծել այն խնդիրները, որոնք խանգարում են Կիևին Taurus հրթիռների մատակարարմանը, կամ դիտարկել գերմանական հրթիռներ գնելու և բրիտանական Storm Shadow հրթիռները Ուկրաինային փոխանցելու տարբերակը: Այս մասին հայտնել է Մեծ Բրիտանիայի ԱԳ նախարար Դեւիդ Քեմերոնը Sueddeutsche Zeitung թերթին տված հարցազրույցում։ Տեղեկատվությունը փոխանցում է m24.ru-ն:

Նրա խոսքով՝ Բրիտանիան պատրաստվում է սերտորեն համագործակցել ԳԴՀ-ի հետ այս և բոլոր այլ հարցերի շուրջ՝ Ուկրաինային օգնելու համար: Նա նաև ընդգծել է, որ տվյալ հրթիռների օգտագործման դեպքում կարելի է սահմանափակումներ սահմանել, որոնք թույլ կտան խուսափել էսկալացիայից: Նախարարը հայտարարել է, որ Լոնդոնը վստահում է Կիևին և նրա խոստումներին:

«Մենք պատրաստ ենք դիտարկել բոլոր տարբերակները՝ Ուկրաինայի համար առավելագույն արդյունքի հասնելու համար։ Բայց ես մանրամասներ չեմ բացահայտի և մեր ընդդիմախոսներին կպատմեմ այն մասին, թե ինչ ենք նախատեսում», – հայտարարել է նա։

Ավելի վաղ Գերմանիայի կանցլեր Օլաֆ Շոլցը հայտարարել էր, որ Գերմանիան ձեռնպահ է մնում Ուկրաինային Taurus թեւավոր հրթիռներ մատակարարելուց, քանի որ դրանք կարող են խոցել Մոսկվայի թիրախները: