Մակրոնը՝ իր կնոջ՝ «տղամարդ ծնվելու» վերաբերյալ պնդումների մասին

Ֆրանսիայի նախագահ Էմանուել Մակրոնն առաջին անգամ դեմ է արտահայտվել այն պնդումներին, թե իր կինը տղամարդ է ծնվել՝ ասելով, որ լուրերը «կեղծ են և շինծու»: Այս մասին հայտնում է Daily Mail-ը և նշում որ 47-ամյա Մակրոնն իր զայրույթն ու հիասթափությունն է հայտնել 70-ամյա Բրիջիթ Մակրոնի մասին անընդհատ շահարկումների կապակցությամբ, որի հետ նա ամուսնացել է 2007 թվականին:

«Ամենավատը կեղծ տեղեկություններն ու շինծու սցենարներն են»,-ասել Է Մակրոնը:

Նախագահը ելույթ է ունեցել ուրբաթ օրը՝ Կանանց միջազգային օրը:

Պարբերականը նշում է, որ երկու կանայք, որոնք պնդում էին, որ առաջին տիկինն իրականում տղամարդ է ծնվել, անցած հունիսին վերաքննիչ բողոքի հիման վրա պատժվել են «խորհրդանշական տուգանքներով»:

Իրենց հերթին, երկուսն էլ պնդել են, որ ենթարկվել են «իշխանությունների կողմից ահաբեկման», քանի որ Ելիսեյան պալատը փորձել է թաքցնել «պետական գաղտնիքը»: