Նիգերիայում ավազակները առևանգել են 232 դպրոցականի
Նիգերիայի Կադունա նահանգում ավազակները առևանգել են ավելի քան 200 դպրոցականների։ Այս մասին հայտնում է Daily Post-ը՝ վկայակոչելով նահանգի նախկին սենատորին։
«Կուրիգա գյուղում առևանգվել է 232 ուսանող»,- ասվում է նյութում։
Հստակեցվում է, որ ավազակները ներխուժել են Կուրիգա գյուղի հիմնական դպրոց և առևանգել աշակերտներին ու ուսուցիչներին, որոնց տեղափոխել են մոտակա անտառ։ Տուժածների թվում են դպրոցի տնօրենը և այլ աշխատակիցներ։
Երկրի իշխանություններն ու ոստիկանությունը դեռևս չեն արձագանքել միջադեպին:
