Թրամփի գլխավոր մրցակիցը հայտարարել է ԱՄՆ նախագահական ընտրապայքարից դուրս գալու մասին

ՄԱԿ-ում ԱՄՆ նախկին դեսպան Նիկի Հեյլին հայտարարել է, որ դուրս է գալիս նախագահական մրցապայքարից։ Կարճ ելույթում Հեյլին կոչ չի արել իր կողմնակիցներին աջակցել Թրամփին ԱՄՆ նախագահական ընտրություններում։

«Ժամանակն է դադարեցնել քարոզարշավը: Ես չեմ ափսոսում: Թեև ես այլևս թեկնածու չեմ լինելու, ես չեմ դադարի խոսել այն մասին, ինչին հավատում եմ», - ասել է նա Հարավային Կարոլինայի Չարլսթոնում: 

Ինչպես նշում է Associated Press-ը, Հեյլիի դուրս գալը ԱՄՆ նախագահի թեկնածու առաջադրվելու համար պայքարից Սպիտակ տան նախկին սեփականատեր Դոնալդ Թրամփին դարձրեց Հանրապետական կուսակցությունից նախագահական ընտրությունների գլխավոր հավակնորդը։

Ավելի վաղ he Wall Street Journal-ին հղումով հայտնել էինք, որ Նիկի Հեյլին կհայտարարի ԱՄՆ-ում նախագահական մրցավազքին մասնակցության դադարեցման մասին։