Նման օբյեկտներն իրենցից ուղղակի սպառնալիքի աղբյուր են ներկայացնելու․ Զախարովա
Եվրոպայի հյուսիսում ամերիկյան միջուկային զենքի հայտնվելը ոչ թե կամրապնդի այդ զենքն ընդունող երկրների անվտանգությունը, այլ կթուլացնի։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: Տեղեկությունը փոխանցում է ՌԻԱ Նովոստին։
«Եվրոպայի հյուսիսում ամերիկյան միջուկային զենքի հայտնվելու դեպքում այդ զենքն ընդունող երկրների անվտանգությունը ոչ միայն չի ամրապնդվի, այլ այն ակնհայտորեն կտուժի», - ճեպազրույցի ժամանակ ասել Է Զախարովան:
Նա ընդգծել է, որ մայրցամաքի մյուս երկրները ստիպված կլինեն դա հաշվի առնել։
«Պետք չէ ռազմական ստրատեգ լինել՝ հասկանալու համար, որ նման օբյեկտներն իրենցից ուղղակի սպառնալիքի աղբյուր են ներկայացնելու եւ, բնականաբար, անխուսափելիորեն ընդգրկվելու են ՆԱՏՕ-ի հետ մեր երկրի ուղղակի ռազմական բախման սցենարով որոշված օրինական թիրախների ցանկում ։ Իսկ մենք հասկանում ենք, որ հենց դրան են հարկադրաբար տանում ԱՄՆ-ի գործն ու նրա արբանյակները»,- հավելել է նա։
