Զախարովան՝ Բաքվից իրեն նվիրած 44-օրյայում «Ադրբեջանի հաղթանակի խորհրդանշի» առաջացած իրարանցման մասին

ՌԴ ԱԳՆ պաշտոնական ներկայացուցիչ Մարիա Զախարովան սադրանք է անվանել սոցիալական ցանցերում Խարա-Բյուլբյուլի ծաղկի տեսքով բրոշը, որը հայտնի է նաև որպես «ղարաբաղյան երկրորդ պատերազմում Ադրբեջանի հաղթանակի խորհրդանիշ», Երիտասարդության համաշխարհային փառատոնի շրջանակներում Բաքվից ժամանած պատվիրակության կողմից իրեն նվեր մատուցելու մասին տեղեկատվության տարածումը: Տեղեկությունը փոխանցում է ՏԱՍՍ-ը։

Դիվանագետը ՏԱՍՍ-ի համապատասխան հարցին ի պատասխան ասել է. «սա հերթական ինչ-որ ուռճացված պատմությունն է մի պարզ պատճառով, որ նրանք, ովքեր չեն եկել փառատոնին, ովքեր այստեղ չեն, չգիտեն, որ փառատոնի բոլոր մասնակիցներն իրենց հետ ինչ-որ նվերներ են բերել»:

«Պետք չէ սադրանքների տրվել», - ասել է նա փառատոնի շրջանակներում կայացած ճեպազրույցում՝ մեկնաբանելով այս նվերի հետ կապված իրարանցումը սոցցանցերում:

Դիվանագետի խոսքով՝ պաղեստինցիներն իրենց նվերները բերել են «Պաղեստին» գրությամբ, արգենտինացիները նրան նվիրել են իրենց կրծքանշանները, չինացի ներկայացուցիչները՝ պանդաներով իրենց խորհրդանիշները:

«Եկատերինբուրգից ինձ զինանշանով սիրտ տվեցին, որի ներսում հայելի կա, բելգորոդցիները իրենց տարածաշրջանի զինանշանով կրծքանշան տվեցին շարունակեց նա։ Դա ամենևին չի նշանակում, որ այս ամենը պետք է քաղաքականացնել, մարդիկ խոսում են այն մասին, թե ինչն է իրենց համար կարևոր։ Ինչ-որ բան կիսում եմ, ինչ-որ բանի մասին առաջին անգամ եմ իմանում, ինչ-որ բանի հետ կարող եմ չհամաձայնել։ Բացարձակապես նորմալ է, երբ մարդիկ տալիս են իրենց համար կարևոր խորհրդանիշներ», -ասել է նա։

Զախարովան նշել է, որ փառատոնից իր հետ կբերի կրծքանշանների, բրոշյուրների, բանալիների շղթաների, մագնիսների մի ամբողջ տուփ, ինչպես նաեւ խոստացել է, որ իր ստացած նվերների ֆոտոպատմություն կանի: Դիվանագետը նաև հավելել է, որ իրեն շատ է դուր եկել Եկատերինբուրգի բնակիչների նվերը։