Իրանի նախագահը հայտնել է՝ ինչ նպատաներով կօգտագործեն ատոմային էներգիան
Թեհրանին մեկուսացնելու նպատակով ԱՄՆ-ն փորձել է իրանաֆոբիա տարածել ողջ տարածաշրջանում, սակայն ձախողվել է: Այս մասին Ալժիրի Ազգային հեռարձակման ծառայությանը տված հարցազրույցի ժամանակ հայտարարել է Իրանի նախագահ Իբրահիմ Ռաիսին:
Նրա խոսքերով՝ Իրանի թշնամիները, հատկապես՝ ամերիկացիները, մշտապես փորձել են առաջացնել իրանաֆոբիա և մոտեցնել արաբական իսլամական երկրներին Իսրայելի հետ, բայց ամենուր ձախողվել են: Ըստ նրա՝ ԱՄՆ-ն ցանկանում է ազատ և ուժեղ իսլամական պետության և նրա սեփական միջուկային արդյունաբերության վրա ճնշում գործադրելու հնարավորություն ստանալ:
«Մենք բազմիցս հայտարարել ենք, որ ատոմային էներգիան կօգտագործենք միայն խաղաղ նպատակներով և մինչև այժմ այս ընթացքից շեղումներ չեն հայտնաբերվել: Ատոմային էներգիայի միջազգային գործակալությունը վերահսկում է մեր միջուկային արդյունաբերությունը և արդեն 15 անգամ հայտնել է, որ Իրանի միջուկային արդյունաբերությունը խաղաղ է»,- ասել է Իրանի նախագահը:
