Մեծ Բրիտանիայի կառավարությունը նախազգուշացրել է ահաբեկչական սպառնալիքի աճի մասին

Բրիտանական հետախուզության աշխատակիցները բրիտանական իշխանություններին զգուշացրել են երկրում ահաբեկչական սպառնալիքի աճի մասին։ Այս մասին գրում է Daily Mail-ը։

«Հետախուզության աշխատակիցները նախազգուշացրել են խորհրդարանի անդամներին, որ բրիտանական հողում ահաբեկչական հարձակման սպառնալիքը կտրուկ աճում է», -ասվում է նյութում:

Հրատարակությունը նշում է, որ բրիտանական հետախուզական ծառայությունները գաղտնալսում են ծայրահեղական բնույթի խոսակցությունները։ Հաղորդվում է, որ ծայրահեղականների սպառնալիքի այսպիսի մակարդակ չի նկատվել 2001 թվականի սեպտեմբերի 11-ին ԱՄՆ-ում տեղի ունեցած ահաբեկչություններից հետո: Տեղի պաշտոնյաները խոստովանել են, որ ահաբեկչական ակտիվության աճը կարող է սկսվել մահմեդականների սուրբ Ռամադան ամսվա ընթացքում, որը սկսվում է կիրակի օրը՝ մարտի 10-ին։