Ֆրանսիացի զինվորականները կարող են ապահովել Ուկրաինայի սահմանների անվտանգությունը. Ֆրանսիայի վարչապետ

Ֆրանսիացի զինվորականները կարող են ապահովել Ուկրաինայի սահմանների անվտանգությունը, հայտարարել է երկրի վարչապետ Գաբրիել Ատալը Սենատի նիստում, որը հեռարձակվել է կառավարական գործակալության կայքում։

«Երբ մենք խոսում ենք ֆրանսիացի զինվորականների մասին, մենք կարող ենք խոսել այն զինվորների մասին, որոնք ներգրավված են ուսուցման, երկիր–օդ պաշտպանության կամ մի շարք սահմանների պաշտպանության մեջ», - ասել է նա:

Պաշտոնյան նաև նշել է, որ ԵՄ երկրները որոշել են ավելի հեռուն գնալ Ուկրաինայի զինված ուժերին սպառազինությունների մատակարարման հարցում՝ «ռուսական սպառնալիքի» պատճառով։

«Կարո՞ղ է նախագահը ամենայն պատասխանատվությամբ ասել, որ ինքը սկզբունքորեն բացառում է որոշակի հեռանկարներ։ Ես այդպես չեմ կարծում», - հավելել է Աթալը՝ դրանով իսկ փորձելով պաշտպանել Էմանուել Մակրոնին, ով իր հայտարարություններից հետո ենթարկվել է խիստ քննադատության երկրի ներսում։