ԱՄՆ-ում Կառլսոնին սպառնացել են Պուտինի հետ հարցազրույցի համար
Ամերիկացի լրագրող Թաքեր Կառլսոնը հայտարարել է, որ իրեն ահաբեկել են ձերբակալությամբ՝ ՌԴ նախագահ Վլադիմիր Պուտինի հետ հարցազրույցի համար: Տեղեկությունը փոխանցում է ՏԱՍՍ-ը։
«Իմ փաստաբանները <...> ինձ ասացին, որ ինձ կձերբակալեն, եթե դա անեմ (հարցազրույց վերցնեմ Պուտինից)՝ պատժամիջոցների հետ կապված։ Եվ ես պատասխանեցի, որ չեմ ընդունում այդ որոշման օրինականությունը, քանի որ ես ամերիկացի եմ և պետք է կարողանամ խոսել ում հետ ուզում եմ։ Ես նաև զանգ եմ ունեցել գլխավոր իրավաբանի հետ, և նա ասել է, որ շատ բան կախված կլինի այն հարցերից, որոնք ես կտամ։ Ինձ ասել են, որ եթե ես շատ լավ լինեմ նրա հետ զրույցի ընթացքում, ապա ինձ կարող են ձերբակալել ԱՄՆ վերադառնալուց հետո։ Եվ ես պատասխանեցի, որ նրանք նկարագրում են ֆաշիստական երկր», - ասել է նա YouTube-ի բլոգեր Լեքս Ֆրիդմանին տված հարցազրույցում։
Կառլսոնը նշել է, որ փաստաբանների հետ նման բանակցությունները վրդովեցուցիչ է համարում, բայց նա որոշել է չհրաժարվել Ռուսաստանի առաջնորդի հետ հարցազրույցից, քանի որ ցանկանում էր «օգտվել իր ազատությունից»:
Պուտինի հարցազրույցը Կարլսոնին հրապարակվել է փետրվարի 8-ին և հավաքել ավելի քան 200 մլն դիտում: Ռուսաստանի նախագահի մամուլի քարտուղար Դմիտրի Պեսկովը նշել է, որ հարցազրույցի գլխավոր նպատակը Արևմուտքում տեղեկատվական շրջափակումը ճեղքելն ու լսելի լինելն է:
