ՏԵՍԱՆՅՈՒԹ. «Կմեռնենք, նոր եկեք քանդեք, տարեք». Լվովյան փողոցի բնակիչ
Այսօր գործընկերոջս՝ Պեդրո Զարոկյան-ի հետ, հանդիպեցինք Լվովյան փողոցի բնակիչներին, ովքեր երեկ քաղաքապետարանի մոտ վրդովված հավաքվել էին և իրենց հարցերի պարզաբանումն էին պահանջում։ Այս մասին ֆեյսբուքյան իր էջում գրել է Երևանի ավագանու անդամ Քրիստինա Վարդանյանը:
«Մարդիկ 40-50 տարի է, ինչ բնակվում են նշված հասցեով, տարիներով մուծում են գույքահարկ, անցկացրել են բոլոր կոմունիկացիաները, և այլն։ Բնակիչները հատուկ նշեցին, որ երկու օր առաջ քաղաքի կանաչապատումից էին եկել, նկարներ արել ու խոստացել, հարցը շատ լավ ներկայացնել քաղաքապետին։ Պաշտոնյան խոստումը փայլուն կատարեց և տիեզերական առաջին արագությամբ քաղաքային իշխանությունը նիստի ընթացքում հարցի լուծումը առաջարկեց՝ տարածքը ազատել, չկա բնակիչ, չկա խնդիր… Հետևողական ենք լինելու այս խնդրի հետ կապված»,- գրել է նա:
Հիշեցնենք` Տիգրան Ավինյանը հանձնարարել է այդ 26 հա տարածքից մեկ շաբաթվա ընթացքում վերացնել բոլոր քոլիկները:
