ՏԵՍԱՆՅՈՒԹ. Վարշավայում ակտիվիստները գոմաղբ են լցրել ՌԴ-ի դեսպանի վիլլայի դարպասների դիմաց

Ռուսաստանի՝ Ուկրաինա լայնամասշտաբ ներխուժման տարելիցի օրը Լեհաստանում ՌԴ դեսպանը «նվեր» է ստացել. Լեհ ակտիվիստները գոմաղբի կույտ են բերել այն վիլլայի դարպասների դիմաց, որտեղ նա ապրում է Վարշավայում։

Ակցիայի լուսանկարներն ու տեսանյութերը հրապարակել է Լեհաստանում ուկրաինական սփյուռքի առաջնորդ, իրավապաշտպան Նատալյա Պանչենկոն։ Լեհերը հստակ ուղերձ են թողել դիվանագետին.

«Այո, ամեն ինչ պարզ երևում է: Սրանք այն վիլլայի դարպասներն են, որտեղ ապրում է ագրեսոր երկրի դեսպանը Լեհաստանում  «Ռուսաստան = հիմարություն»: Մենք չենք ուզում ձեզ տեսնել Եվրոպայում: Հեռացե՛ք»,- ասված է հաղորդագրության մեջ:

Ակցիայի մասնակիցներից Դոմինիկի խոսքով՝ դրա նպատակն է հստակ ազդանշան ուղարկել Լեհաստանի իշխանություններին և Եվրամիությանը, որ ժամանակն է ռուս դիվանագետներին Լեհաստանից վտարելու համար։ Նա ընդգծել է, որ Ռուսաստանը հիբրիդային պատերազմ է վարում:

«Մենք ցանկանում էինք հստակ ազդանշան ուղարկել Լեհաստանի իշխանություններին և Եվրամիությանը, որ ժամանակն է ռուս դիվանագետներին վտարել մեր երկրից: Ռուսաստանը պատասխանատու է ոչ միայն Ուկրաինայի դեմ հանցավոր ագրեսիայի, այլև շարունակվող հիբրիդային պատերազմի համար: