ՏԵՍԱՆՅՈՒԹ․ Խոշոր հրդեհ՝ Իսպանիայում. եռօրյա սուգ է հայտարարվել
Խոշոր հրդեհ է տեղի ունեցել Իսպանիայի արևելքում գտնվող Վալենսիայի կենտրոնի բնակելի երկու շենքերում։ Այս մասին հայտնում է տեղական Il Post թերթը։
Առնվազն 14 մարդ է տուժել, այդ թվում 6 հրշեջ։
Հրդեհը սկսվել է 14-հարկանի շենքից, որի ներսում 138 բնակարան կա։ Բնակիչների թիվն այդ շենքում մոտ 450 է։ Այնուհետև, կրակն անցել է հարևան շենք։
Դեպքի վայր է ժամանել 22 հրշեջ հաշվարկ, փրկարարական աշխատանքներին մասնակցել են նաև Իսպանիայի արտակարգ իրավիճակների հարցերով զբաղվող ռազմական ստորաբաժանման զինվորները։
Տեղական ԶԼՄ–ները հրդեհն անվանել են քաղաքի պատմության մեջ եղած ամենավատ հրդեհը։ Իսպանիայի վարչապետ Պեդրո Սանչեսը հայտարարել է, որ «ցնցված է Վալենսիայի սարսափելի հրդեհից», քաղաքում եռօրյա սուգ է հայտարարվել։
