Շոլցը կողմ է Ռյուտեի թեկնածությանը ՆԱՏՕ-ի գլխավոր քարտուղարի պաշտոնում
Գերմանիայի կանցլեր Օլաֆ Շոլցը պաշտպանել է Նիդեռլանդների վարչապետ Մարկ Ռյուտեի թեկնածությունը ՆԱՏՕ–ի գլխավոր քարտուղարի պաշտոնում։ Այս մասին հայտնում է Reuters-ը՝ հղում անելով Գերմանիայի կառավարությունում իր աղբյուրին։
ՆԱՏՕ-ի ներկայիս ղեկավար Յենս Ստոլտենբերգը համապատասխան պաշտոնը ստացել է 2014թ–ին։ Սպասվում է, որ նրա լիազորությունների ժամկետը կլրանա այս տարվա հոկտեմբերին։
Երեք անանուն դիվանագետների խոսքով ՝ ներկա պահին Ռյուտեի թեկնածությանը հավանություն է տվել Հյուսիսատլանտյան դաշինքի անդամ շուրջ 20 երկիր:
Այնուամենայնիվ, գործակալության մեկ այլ աղբյուր նախազգուշացրել է, որ ռազմական դաշինքը դեռևս վերջնական համաձայնության չի եկել այդ հարցի շուրջ և ցանկացած պահի կարող է նոր ֆավորիտ հայտնվել ՆԱՏՕ-ի գլխավոր քարտուղարի պաշտոնում:
