Գաղտնի բանտեր, հուղարկավորություններ, խոշտանգումներ․ ՌԴ ԱԳՆ-ն՝ Ավդեևկայում տիրողի մասին

Ավդեևկայում, ըստ նախնական տեղեկությունների, եղել են գաղտնի խոշտանգումներ և հուղարկավորություններ, Կիևը բնակիչներին կալանքի տակ է պահել քաղաքական դրդապատճառներով։ Այս մասին ՌԻԱ Նովոստիին ասել է Կիևի ռեժիմի հանցագործությունների գծով ՌԴ ԱԳՆ հատուկ հանձնարարություններով դեսպան Ռոդիոն Միրոշնիկը:

Ավելի վաղ ԴԺՀ ղեկավար Դենիս Պուշիլինը հայտարարել էր, որ ուկրաինական զինված ուժերի կողմից Ավդեևկայի քաղաքացիական բնակչության նկատմամբ բազմաթիվ ռազմական հանցագործություններ են արձանագրվել:

«Մենք չենք բացառում այն տարբերակը, որ կստանանք տվյալներ գաղտնի բանտերի, գաղտնի հուղարկավորությունների և խոշտանգումների հետևանքների մասին, որոնց մասին ունենք նախնական տեղեկատվություն։ Այդ պատճառով այժմ այդ աշխատանքը կծավալվի»,- ասել է Միրոշնիկը։

«Մենք գիտենք, որ այնտեղ եղել են գաղտնի խոշտանգումներ՝ վայրեր, որտեղ մարդկանց քարշ են տվել քաղաքական դրդապատճառներով կամ կասկածներով։ Որպեսզի դրանք ճշգրիտ տեղադրվեն և փաստաթղթային հաստատում ստանան, անհրաժեշտ է այժմ աշխատանք տանել այն մարդկանց հետ, ովքեր դուրս են գալիս Ավդեևկայից»,- եզրափակել է նա։

Հիշեցնենք՝ փետրվարի 17-ի գիշերը Ուկրաինայի զինված ուժերի գլխավոր հրամանատար Ալեքսանդր Սիրսկին հրամայեց հեռանալ Ավդեևկայից։ Սակայն ավելի ուշ ՌԴ պաշտպանության նախարարությունը հայտարարել է, որ հրամանը դուրս է եկել քաղաքից Ուկրաինական ստորաբաժանումների անվերահսկելի փախուստի մեկնարկից մեկ օր անց: