Պեսկովը մեկնաբանել է Փաշինյանի հայտարարությունը, թե ՀՀ-ն ՌԴ-ի դաշնակիցը չէ Ուկրաինայի հարցում
Ուկրաինայի հարցում Մոսկվայի և Երևանի դիրքորոշումները տրամագծորեն տարբերվում են, ՌԴ-ն կշարունակի համառորեն բացատրել իր ճշմարտացիությունը։ Այս մասին լրագրողներին ասել է Ռուսաստանի նախագահի մամուլի քարտուղար Դմիտրի Պեսկովը՝ մեկնաբանելով Հայաստանի վարչապետ Նիկոլ Փաշինյանի այն հայտարարությունը, թե Հայաստանը ՌԴ-ի դաշնակիցը չէ Ուկրաինայի հարցում։
«Իսկապես, մենք տրամագծորեն հակառակ տեսակետներ ունենք այն հարցում, թե ինչ է կատարվում Ուկրաինայում, եւ Ուկրաինայի շուրջ հակամարտության վերաբերյալ։ Դա գաղտնիք չէ։ Ուստի սա մեր հայ բարեկամների հայտնի դիրքորոշումն է։ Մենք նրանց հետ համաձայն չենք դրանում եւ համառորեն կշարունակենք բացատրել մեր իրավացիությունը»,- ասել Է Պեսկովը։
Գերմանիայի հայ համայնքի ներկայացուցիչների հետ հանդիպման ժամանակ Փաշինյանը հերթական անգամ հայտարարել է, որ Երևանը Մոսկվայի դաշնակիցը չէ Ուկրաինայի հարցում։ Հայաստանի կառավարության ղեկավարը հիշեցրել է, որ Ալմա-Աթայի հռչակագիրը (1991թ.) տարածվում է բոլորի, այլ ոչ միայն Հայաստանի վրա, քանի որ այն ստորագրել են նախկին խորհրդային հանրապետությունները, այդ թվում՝ Ռուսաստանն ու Ուկրաինան ՝ ճանաչելով միմյանց սահմանները:
