Էստոնիայում Ռուսաստանի օգտին գաղտնի գործունեության կասկածանքով ձերբակալվել է 10 մարդ
Էստոնիայում Ռուսաստանի օգտին գաղտնի գործունեության կասկածանքով ձերբակալվել է 10 մարդ: Էստոնիայի ներքին անվտանգության ծառայությունը ենթադրել է, որ հիբրիդային գործողությունը համակարգել են ռուսական հետախուզական ծառայությունները՝ էստոնական հասարակության մեջ վախ և լարվածություն սերմանելու նպատակով։
Կասկածյալները տարբեր դերեր են կատարել Էստոնիայում՝ կախված իրենց ռուս ղեկավարների ցուցումներից: Նրանցից ոմանք տեղեկություններ էին հավաքում, մյուսները հարձակումներ էին ծրագրում, որոնք հետո իրականացվեցին։ Գործակալները հավաքագրվել են սոցիալական ցանցերի միջոցով։
Պետական դատախազ Տրիինու Օլևի խոսքով՝ ձերբակալվածների թվում կան ինչպես Ռուսաստանի, այնպես էլ Էստոնիայի քաղաքացիներ։ Նրանցից ոմանք ունեն երկու քաղաքացիություն։
Վարչապետ Կայա Կալլասը հայտարարել է, որ Էստոնիան «հաջողությամբ դադարեցրել է ռուսական հատուկ ծառայությունների հիբրիդային գործողությունը»։
