Դրանք լկտի մեղադրանքներ են ռուսական պետության ղեկավարի հասցեին․ Պեսկով
ՌԴ նախագահի մամուլի քարտուղար Դմիտրի Պեսկովը, մեկնաբանելով Յուլիա Նավալնայայի խոսքերն ամուսնու մահվան մեղավորների մասին, հայտարարել է, որ դրանք «բացարձակապես մերկապարանոց, լկտի մեղադրանքներ են Ռուսաստանի նախագահի հասցեին»: Տեղեկությունը փոխանցում է ՌԻԱ Նովոստին։
«Ոչ, մենք դա թողնում ենք առանց մեկնաբանության։ Իհարկե, դրանք բացարձակապես մերկապարանոց, լկտի մեղադրանքներ են ռուսական պետության ղեկավարի հասցեին, բայց հաշվի առնելով, որ Յուլիա Նավալնայան այրիացել Է բառացիորեն օրեր առաջ, ապա ես դա կթողնեմ առանց մեկնաբանության»,- ասել Է Պեսկովը՝ մեկնաբանելով Նավալնիի այրու ուղերձը, որում նա մեղադրում է ՌԴ նախագահին ամուսնու սպանության մեջ։
