Հայաստանը պետք է գնահատի այդ գործընթացը․ Էրդողան
Անկասկած, Ադրբեջանի և Հայաստանի միջև ստորագրվելիք խաղաղության համաձայնագիրը խաղաղության և նոր հույսի աղբյուր կդառնա աշխարհում և մեր տարածաշրջանում: Այս մասին հայտարարել է Թուրքիայի նախագահ Ռեջեփ Թայիփ Էրդողանը Անկարայում Ադրբեջանի նախագահ Իլհամ Ալիևի հետ համատեղ մամուլի ասուլիսի ժամանակ: Փոխանցում են ադրբեջանական լրատվամիջոցները։
Նա նշել է, որ այս հարցում Թուրքիան և Ադրբեջանը ուս ուսի են շարժվում։
«Ղարաբաղի օկուպացիայի ավարտից հետո տարածաշրջանում հնարավորությունների պատմական պատուհան բացվեց։ Շատ կարևոր է, որ այն չփակվի։ Հայաստանը պետք է գնահատի այդ գործընթացը։ Ես կոչ եմ անում երրորդ կողմերին գործընթացը թունավորելու փոխարեն դրական քայլեր ձեռնարկել», - նշել է նա։
