Հայաստանից Վրաստան փորձել են մաքսանենգ ճանապարհով ոսկի ներկրել

Վրացի մաքսավորները կանխել են «Սադախլո» անցակետի միջոցով (Հայաստանի հետ սահման) 16,7 հազար լարի (մոտ 6,2 հազար դոլար) ոսկյա զարդերի մաքսանենգության փորձը։ Այս մասին հայտնում է Sputnik Գրուզիան՝ հղում անելով եկամուտների ծառայությանը:

Զննության ժամանակ օտարերկրյա քաղաքացուց առգրավել են 171.1 գրամ ընդհանուր քաշով ոսկյա զարդեր: Թե որ երկրի քաղաքացի է սահմանախախտը, չի նշվում։

Օտարերկրացու գործն ուղարկվել է Ֆինանսների նախարարության քննչական ծառայություն՝ հետագա գործողությունների համար։