12:00 Լուրերը մեկ տողով. Ինչպես են փրկարարները երեխաներին փնտրում. Հայկական ծաղիկները՝ Ուկրաինայում

Անցած ժամվա լուրերը՝ հակիրճ և բովանդակային.

•Վանաձորում կորած 7 և 13 տարեկան քույրերի որոնողական աշխատանքները վաղ առավոտից վերսկսվել են Փրկարար ծառայության 115 և ոստիկանության 86 ծառայողների, ինչպես նաև կամավորների ու ջրասուզակների ներգրավմամբ:

•Ռուսաստանի կողմից հայկական ծաղիկների ներմուծման արգելքի ֆոնին Հայաստանը սկսել է արտահանման շուկաների դիվերսիֆիկացումը՝ առաջին խմբաքանակներն ուղարկելով Լատվիա և Ուկրաինա:

•Պետական եկամուտների կոմիտեն գործարկել է նոր տեղեկատվական հարթակ, որն արտաքին տնտեսական գործունեությամբ զբաղվողներին օգնում է րոպեների ընթացքում պարզել անհրաժեշտ փաստաթղթերն ու վճարները:

•Արման Թաթոյանի գլխավորած «Միասնության թևերը», ինչպես նաև «Ուժեղ Հայաստանը», «Հայաստան» դաշինքը և «Բարգավաճ Հայաստան» կուսակցությունը կդիմեն Սահմանադրական Դատարան՝ ընտրությունների արդյունքներն անվավեր ճանաչելու պահանջով:

• Ֆինանսների նախարար Վահե Հովհաննիսյանի հայտարարության համաձայն՝ քաղաքացիներն ավելի վստահ և կամավոր են վճարում հարկերը, քանի որ տեսնում են հանրային ծառայությունների և ենթակառուցվածքների բարելավումը:

• Փոխվարչապետ Տիգրան Խաչատրյանը հայտնել է, որ 2026 թվականի մայիսի 31-ի դրությամբ բնակարանի գնման հավաստագիր է ստացել Լեռնային Ղարաբաղից տեղահանված 6444 ընտանիք, իսկ 2023 թվականից ի վեր աջակցության ծրագրերին ուղղվել է շուրջ 146 միլիարդ դրամ:

•ՌԴ նախագահ Վլադիմիր Պուտինի հրամանագրով Ռուսաստանի Պետական դումայի հերթական ընտրությունները նշանակվել են 2026 թվականի սեպտեմբերի 20-ին: