Տեղեկություն Նուբարաշեն» ՔԿՀ-ում հացադուլ հայտարարած անձացից

Երեկ Սիվիլնեթը հայտնել էր, որ «Նուբարաշեն» ՔԿՀ-ում երեք կալանավորված անձիք հացադուլ են իրականացնում և հունիսի 15-ի դրությամբ, նրանց բողոքի ակցիան տևում է համապատասխանաբար 38, 34 և 12 օր։ 

Auroranews․am-ն այսօր կապ հաստատեց ՀՀ քրեակատարողական ծառայության հանրային կապերի բաժնի պետ Նոնա Նավիկյանի հետ: Վերջինս հայտնեց, որ հացադուլ իրականացնող անձանց առողջական վիճակն այս պահի դրությամբ գնահատվում է բավարար:

Auroranews․am-ը կապ հաստատեց  նաև Առողջապահության նախարարության հետ, մեզ հայտնեցին, որ․

«Ամենօրյա հսկողության տակ են գտնվում և անընդհատ առաջարկում ենք դուրս գալ հացադուլից`բացատրելով դրա հետևանքները առողջության վրա»,- հայտնեցին գերատեսչությունից։

 Նավիկյանը նշեց նաև, որ նրանց հետ ներկայում աշխատում են սոցիալ հոգեբանները, որպեսզի բողոքի ծահյահեղ ակցիան դադարեցվի: Ինչպես ՀՀ արդարադատության նախարարությունից, այդպես էլ ՀՀ քրեակատարողական ծառայությունից Auroranews․am-ին հավաստիացրին, որ հացադուլը պայմանավորված է բացառավապես տվյալ անձանց քրեական գործերի հետ: