10:00 Լուրերը մեկ տողով. Աղմկահարույց նոր նախագիծ և զանգվածային հարձակում Մոսկվայի վրա

Անցած ժամվա լուրերը՝ հակիրճ և բովանդակային.

•Հունիսի 7-ին կայացած խորհրդարանական ընտրությունների վերջնական արդյունքներով Ազգային ժողով է անցնում երեք քաղաքական ուժ, իսկ մասնակցության ամենաբարձր ցուցանիշը գրանցվել է Քաջարանում, ամենացածրը՝ Ֆիոլետովոյում:

•Ազգային ժողովում շրջանառության մեջ է դրվել նոր նախագիծ, որով նախատեսվում է ընտրական ցենզ սահմանել և քվեարկության իրավունք տալ միայն վերջին մեկ տարում առնվազն 6 ամիս Հայաստանում բնակված քաղաքացիներին:

•Մամուլի տեղեկություններով՝ Տավուշի նոր մարզպետ է նշանակվելու Սիփան Փաշինյանը, իսկ ԲՀԿ առաջնորդի վաղեմի թիմակից Միքայել Մելքումյանը հխզել է կապերը կուսակցության հետ:

•Բելառուսի նախագահ Ալեքսանդր Լուկաշենկոն հայտարարել է, որ երկիրը չի ցանկանում ներքաշվել պատերազմի մեջ, սակայն Ուկրաինայի հնարավոր հարձակման դեպքում սեփական ենթակառուցվածքները խիստ խոցելի կլինեն:

•ԱԹՍ հարվածների հետևանքով հրդեհ է բռնկվել Մոսկվայի ամենամեծ նավթավերամշակման գործարանում:


•Մոսկվայի քաղաքապետը հայտնել է դեպի մայրաքաղաք թռչող 60 ուկրաինական անօդաչու սարքերի խոցման մասին: 

•ԱՄՆ նախագահ Դոնալդ Թրամփը հերքել է Իրանին պետական միջոցներից ֆինանսավորում տրամադրելու լուրերը՝ նշելով, որ Թեհրանը համաձայնել է երբեք միջուկային զենք չունենալ, իսկ ներդրումները կլինեն մասնավոր ընկերությունների հիմնադրամի միջոցով: