Էրդողանը խոսել է ԱՄՆ-Իրան համաձայնության և պատերազմի ավարտի մասին

ԱՄՆ-Իրան համաձայնությունը չափազանց կարևոր քայլ է փետրվարի 28-ին Իսրայելի սադրանքների հետևանքով սկսված պատերազմի ավարտի համար, և այժմ տարածաշրջանը վերջապես կկարողանա թեթևացած շունչ քաշել, հայտարարել է Ռեջեփ Էրդողանը։

Թուրքիայի նախագահի պնդմամբ՝ ձախողվել են պարսիկների, քրդերի, արաբների և թուրքերի միջև տարաձայնությունների նոր օջախներ բորբոքելու փորձերը։ Հղում անելով իսրայելցի պաշտոնյաների հայտարարություններին՝ Էրդողանը Մերձավոր Արևելքում խաղաղ բանակցությունները տապալելու մտադրության մեջ մեղադրել է Իսրայելին։ 

Ինչպես նշել է Թուրքիայի ղեկավարը, այժմ էական է թույլ չտալ էսկալացիա, զերծ մնալ սադրիչ քայլերից և ուշադրությամբ հետևել սաբոտաժի ցանկացած փորձի։