Մեզ համար դա կյանքի ու մահվան հարց է․ Պուտին
Այն ամենը, ինչ տեղի է ունենում ուկրաինական ուղղությամբ, Ռուսաստանի համար կյանքի և մահվան հարց է, դա երկրի ճակատագիրն է, մինչդեռ Արևմուտքի համար դա միայն նրանց մարտավարական դրության հարցն է։ Այս մասին հայտարարել է ՌԴ նախագահ Վլադիմիր Պուտինը Պավել Զարուբինին տված հարցազրույցում, որից մի հատված հրապարակվել է լրագրողի Telegram ալիքում: Տեղեկությունը փոխանցում է ՌԻԱ Նովոստին։
«Կարծում եմ, որ և մեզ համար, և առավել ևս արտերկրում ունկնդիրների և հանդիսատեսների համար, այնուամենայնիվ, կարևոր է հասկանալ մեր մտքերի ընթացքը, հասկանալ մեր վիճակը, հասկանալ, թե որքան զգայուն և կարևոր է դա մեր երկրի համար, այն ամենը, ինչ տեղի է ունենում ուկրաինական ուղղությամբ: Եվ ես կարծում եմ, որ մենք պետք է հասկանանք, թե ինչ է տեղի ունենում Ուկրաինայում։ Նրանց համար դա իրենց մարտավարական դիրքի բարելավումն է։ Իսկ մեզ համար դա ճակատագիր է, դա կյանքի ու մահվան հարց է»,- հայտարարել Է Պուտինը:
Այսպես է նախագահը պատասխանել ամերիկացի լրագրող Թաքեր Կառլսոնին տված իր վերջին հարցազրույցի պատմական մասի մասին հարցին։
«Ես ուզում էի, որ մարդիկ, ովքեր կլսեն դա, հասկանան դա։ Հաջողվել է, թե ոչ, ես չեմ դատել», - հավելել Է Պուտինը։
