Եթե Պուտինը հաղթի, հետևանքները մեզ համար շատ ավելի թանկ կլինեն, քան մեր օգնությունն Ուկրաինային․ Շոլց
Գերմանիայի կանցլեր Օլաֆ Շոլցը հայտարարել է, որ Ուկրաինայում Ռուսաստանի հաղթանակը Եվրամիությանը կհանգեցնի լուրջ ֆինանսական հետևանքների «բոլոր առումներով»: Այս մասին Շոլցը գրել է X (նախկին Twitter) սոցցանցի իր էջում։ Տեղեկությունը փոխանցում է gazeta.ru-ն։
«Ինչ կլինի, եթե Պուտինը հաջողության հասնի։ Հետևանքները մեզ համար շատ ավելի թանկ կլինեն, քան մեր օգնությունն Ուկրաինային և բոլոր հարաբերություններում», - հայտարարել Է կանցլերը։
Մինչ այս Շոլցը Ուկրաինայի նախագահ Վլադիմիր Զելենսկու հետ հանդիպումից հետո հայտնել էր, որ Բեռլինում ստորագրված Գերմանիայի և Ուկրաինայի միջև համաձայնագիրը չի պարտավորեցնում Բունդեսվերին պայքարել Կիևի համար։ Նա նշել է, որ Գերմանիայի աջակցությունն առանցքային է ուկրաինական պաշտպանական ներուժի ամրապնդման համար։ Այսպիսով, պայմանավորվածությունների համաձայն, միայն ուկրաինական կողմը պարտավոր կլինի զորքեր ուղարկել Գերմանիային՝ այդ երկրի վրա հարձակման դեպքում։
Ուկրաինայի նախագահ Վլադիմիր Զելենսկին, իր հերթին, նույնպես գնահատեց Գերմանիայի կողմից անվտանգության երաշխիքների վերաբերյալ պայմանագրի բովանդակությունը: Օլաֆ Շոլցի հետ համատեղ մամուլի ասուլիսում նա հայտարարել է, որ փաստաթուղթն արտացոլում է հակապատերազմական տրամաբանությունը, որը դրվում է անվտանգության գործարքների հիմքում:
