Չինաստանը միջուկային զենք չի օգտագործի այն պետությունների դեմ, որոնք դրանք չունեն․ Չինաստանի ԱԳՆ
Չինաստանը մտադիր չԷ առաջինը միջուկային զենք կիրառել որևէ մեկի, այդ թվում՝ Ուկրաինայի դեմ։ Այս մասին հայտարարել Է Չինաստանի արտաքին գործերի նախարար Վան Ին։ Տեղեկությունը փոխանցում է ՏԱՍՍ-ը։
«Մենք ամբողջ աշխարհին հստակ հայտարարել ենք, որ Չինաստանը միջուկային զենք չի օգտագործի այն պետությունների դեմ, որոնք դրանք չունեն», - ընդգծել է նա Մյունխենի անվտանգության համաժողովում:
«Մենք չենք ցանկանում, որ Չինաստանը միջուկային զենք օգտագործի այն պետությունների դեմ, որոնք չունեն: Մենք նաև առաջինը միջուկային զենք չենք կիրառի որևէ երկրի, այդ թվում՝ Ուկրաինայի դեմ»,- ասել է նա։
Չինաստանի ԱԳ նախարարը հիշեցրել է, որ Չինաստանի բարձրագույն ղեկավարությունը դեմ է միջուկային զինանոցի կիրառմանը եւ դրա օգնությամբ պատերազմների սանձազերծմանը: Նա նշել է, որ Պեկինը կատարում է իր միջազգային պարտավորությունները՝ նպաստելով համընդհանուր անվտանգության ապահովմանը:
