Բայդենը Ռուսաստանի կողմից Ավդեևկայի գրավման մեջ մեղադրել է Կոնգրեսին
ԱՄՆ նախագահ Ջո Բայդենը Ուկրաինայի առաջնորդ Վլադիմիր Զելենսկու հետ հեռախոսազրույցում քննարկել է Ավդեևկայից ուկրաինական զորքերի նահանջը, որը «ԱՄՆ Կոնգրեսի անգործության արդյունքն էր»։ Այս մասին ասվում է Սպիտակ տան մամուլի ծառայության տարածած հաղորդագրության մեջ։
«Այսօր առավոտյան ուկրաինացի զինվորականները ստիպված են եղել նահանջել Ավդեևկայից այն բանից հետո, երբ Կոնգրեսի անգործությունը ստիպել է ուկրաինացի զինվորներին սահմանափակել զինամթերքի մատակարարումները»,- ասվում է հաղորդագրության մեջ։
Սպիտակ տունը Ռուսաստանի զինված ուժերի կողմից Ավդեևկայի գրավումն անվանել է «Ռուսաստանի առաջին նկատելի հաջողությունները վերջին ամիսներին»։ Այս կապակցությամբ Բայդենը կրկնել է ուկրաինական զորքերի համալրման լրացուցիչ ֆինանսավորման արագ հաստատման անհրաժեշտությունը։
