Ուկրաինայի զինված ուժերը հետ են քաշվում Ավդեևվկայի «Զենիթի» դիրքից

Երկար ամիսների առճակատումից հետո որոշում է կայացվել հետ քաշվել Ավդեևկայի հարավ-արևելյան ծայրամասում գտնվող «Զենիթի» դիրքից, ասել է «Տավրիայի» զորքերի օպերատիվ-ռազմավարական խմբի հրամանատար, բրիգադային գեներալ Ալեքսանդր Տարնավսկին, փոխանցում է UNIAN-ը։

«Մենք այս դիրքը պահել ենք այնքան ժամանակ, քանի դեռ հնարավոր է եղել արդյունավետ կերպով զսպել և ոչնչացնել հակառակորդին»,- նշել է նա։

Նա հավելել է, որ հետ կանչելու որոշումը կայացվել է անձնակազմը պահպանելու և օպերատիվ միջավայրը բարելավելու նպատակով։

«Այս դիրքերը տակտիկապես գրավելը հակառակորդին ռազմավարական առավելություն չի տալիս և չի փոխում իրավիճակը Ավդեևկա պաշտպանական գործողության շրջանակներում։ Ներկայում շարունակվում են զորքերի վերախմբավորումը, մատակարարումների համալրումը և ստորաբաժանումների դասավորությունը նոր դիրքերում։ Ստորաբաժանումներն ուժեղացվում են նախատեսվածի համաձայն»,- հավելել է գեներալը։