ՏԵՍԱՆՅՈՒԹ. Ավդեևկայի կենտրոնում կատաղի մարտեր են ընթանում

Ուկրաինայի Ավդեևկա քաղաքի կենտրոնում կատաղի մարտեր են ընթանում, տեղի է ունենում ստորաբաժանումների պլանային ուժեղացում: Այս մասին RBC-ի փոխանցմամբ, թելեգրամում հայտարարել է Ուկրաինայի Զինված ուժերի «Տավրիա» օպերատիվ-ռազմավարական խմբի հրամանատար, բրիգադային գեներալ Ալեքսանդր Տարնավսկին: 

«Նոր դիրքեր են պատրաստվել, և հզոր ամրացումներ շարունակվում են՝ հաշվի առնելով բոլոր հնարավոր սցենարները։ Տեղում հրամանատարները գիտեն իրենց խնդիրը և կատարում են այն ըստ պլանի»,- գրել է գեներալը և ընդգծել, որ Ուկրաինան գնահատում է տարածքի «յուրաքանչյուր կտոր», բայց ամենաբարձր արժեքը մնում է ուկրաինացի զինվորների կյանքի պահպանումը։

Ամերիկյան մամուլը գրում է, որ Ավդեևկան կարող է ընկնել ռուսական ԶՈւ տիրապետության տակ առաջիկա օրերի ընթացքում:

Համացանցում նաև տեսակադրեր են տարածվում: