Ռուսաստանում մի շարք լրատվամիջոցների արգելվել է Նավալնիի մահվան մասին լուրեր հրապարակել
Ռուսաստանում մի շարք լրատվամիջոցներին հանձնարարվել է դադարեցնել քաղաքական գործիչ Ալեքսեյ Նավալնիի մահվան հանգամանքների մասին լուրերի հրապարակումը և տալ միայն այն, ինչի մասին գրում են դաշնային լրատվամիջոցները ՝ համաձայնեցնելով ղեկավարության հետ:
Այս մասին ահազանգում են ռուսական մեդիայի ներկայացուցիչները:
Մասնավորապես հանձնարարվել է սահմանափակել Նավալնիի մահվան մասին հաղորդագրությունները. հաղորդել միայն «իրադարձային նորությունների» մասին, այլևս չգրել նրա մահվան հետ կապված հանրային անձանց արտահայտությունները:
Իշխանամետ լրատվամիջոցներից մեկի լրագրողը պատմել է, որ ստացված ցուցումների համաձայն ՝ իր հրապարակումներում Նավալնիի մասին պետք է խոսել որպես «քրեական հոդվածով նստած մարդու, ծայրահեղականի», իսկ նրա թունավորման մասին ոչ մի դեպքում չի կարելի հիշատակել:
