Սա տերտե՞րը պիտի ասի. բոլորը պիտի բանակ գնան, կանայք էլ. հայկական իրականության համար դա անխուսափելի է. Աջապահյան

«Մի գերագնահատի քեզ: Այդ գերագնահատելու արդյունքն է, որ Նիկոլ Փաշինյան է ղեկավարը: Եւ նա մի ճիշտ բան արեց: Ցույց տվեց մեր էությունը, որի հետ մենք չենք ուզում համաձայնել»:

Այս մասին կազմակերպված քննարկման ժամանակ ասել է Շիրակի թեմի առաջնորդ Միքայել Արքեպիսկոպոս Աջապահյանը:

«50 տոկոսն ազատվում է բանակից, տարբեր պատճառներով: Էստեղ Փաշինյանն է մեղավո՞ր: Նա է դասավորո՞ւմ 50 տոկոսի բանակից փախնելը: Իմ մտերիմներն առանց ամաչելու ասում են, որ իմ տղան բանակ չպիտի գնա սրբազան:

Բոլորը պիտի բանակ գնան, կանայք էլ պիտի գնան: Հայկական իրականության համար դա անխուսափելի է:

Այս գեոպոլիտիկ տարածքում մենք ուզում ենք հայկական պետականություն ունենալ եւ ոչ թե այս խղճուկ, ողորմելի սահմանների մեջ, ուրիշ ձեւ չկա, քանի լինել գերռազմականացված պետություն: Սա տերտե՞րը պիտի ասի: Մնացած մյուս բոլոր ճանապարհները բերելու են հայկական պետականության, հայկական ինքնության վերացման», ասում է Շիրակի թեմի առաջնորդը: