Հակառուսական պատժամիջոցների «ճարտարապետը» կվերադառնա Սպիտակ տուն

Ամերիկացի տնտեսագետ Դալիպ Սինգհը, որին անվանում են հակառուսական պատժամիջոցների «ճարտարապետ», կվերադառնա Սպիտակ տանը աշխատանքի: Այս մասին հայտնում է Axios պորտալը, փոխանցում է ՌԻԱ Նովոստին։

Հարթակը հայտնում է, որ Սինգհին փոխարինած Մայք Պայլն աշխատանքից կհեռանա փետրվարի վերջին։

Սպասվում է, որ Սինգհը կօգնի համակարգել ԱՄՆ-ի դիրքորոշումը G7-ի ու G20-ի գագաթնաժողովներում, որոնք տեղի կունենան հունիսին և նոյեմբերին:

Սինգհը 2021 թվականի փետրվարից մինչև 2022 թվականի հունիսը ԱՄՆ նախագահի ազգային անվտանգության գծով միջազգային տնտեսության հարցերով խորհրդականի տեղակալն էր, պաշտոնը լքեց ընտանեկան պատճառներով։