Չեչնիայի մայրաքաղաքում Պուտինի պատվին թաղամաս կանվանվի. Կադիրով

Չեչնիայի մայրաքաղաք Գրոզնիի կենտրոնում նոր թաղամաս կհայտնվի,որը կանվանեն ի պատիվ ՌԴ նախագահ Վլադիմիր Պուտինի: Այս մասին թելեգրամյան ալիքում հայտնել է Չեչնիայի ղեկավար Ռամզան Կադիրովը։

«Այն կանվանեն մեր ազգային առաջնորդ Վլադիմիր Պուտինի պատվին»,- գրել է Կադիրովը և պարզաբանել. «Վլադիմիր Պուտինի պատվին Գրոզնիի նոր շրջանն անվանակոչելու որոշումը կայացվել է ի նշան չեչեն ժողովրդի խորին երախտագիտության և նրա անունը հավերժացնելու ցանկության»:

Նոր թաղամասում կկառուցվի 130 բազմաբնակարան շենք, մզկիթ, մանկապարտեզ և այլ ենթակառուցվածքներ։ Չեչնիայի ղեկավարն ընդգծել է, որ տարածքը կդառնա Գրոզնիի ամենահարմարավետ, հեղինակավոր հատվածը։