ՏԵՍԱՆՅՈՒԹ. Կանզաս Սիթիում տոնակատարությունն ավարտվել է հրաձգությամբ. կան տուժածներ
Ամերիկյան ֆուտբոլի Սուպերգավաթի հաղթանակի տոնակատարությունը Կանզաս Սիթիում ավարտվել է հրաձգությամբ: Մեկ մարդ զոհվել է, 14-ը՝ վիրավորվել: Այս մասին հաղորդում է CNN-ը:
Անհայտ անձինք կրակ են բացել մարզադաշտի մոտ տեղի թիմի Սուպերգավաթի հաղթանակի տոնակատարության ժամանակ, որտեղ հազարավոր մարդիկ են հավաքվել: Փողոցում խուճապ է սկսվել, մարդիկ փորձել են փախչել կրակոցների վայրից: Հեռուստաալիքի տվյալներով՝ ձերբակալվել է երկու մարդ։
Հավելենք, որ կրակոցների դրդապատճառները դեռ հայտնի չեն։
