Մեթյու Միլլերը` երեկ սահմանին տեղի ունեցածի մասին

Մենք մտահոգված ենք (հայ-ադրբեջանական սահմանին) զինվորականների միջև մահացու ելքով բախումների մասին հաղորդագրություններով։ Այս մասին ճեպազրույցում ասել է Պետքարտուղարության խոսնակ Մեթյու Միլլերը:

«Մեզ անհանգստացնում է զինվորականների միջև բախումների մասին տեղեկությունները, որոնք մի քանի զոհերի պատճառ են դարձել։ Ուժի կիրառումը խաթարում է բանակցելու ջանքերը: Կայուն խաղաղության միակ ճանապարհը բանակցությունների սեղանն է, հրադադարի ցանկացած խախտում կհետաքննվի։ Մենք մեր անկեղծ ցավակցությունն ենք հայտնում զոհվածների և վիրավորների ընտանիքներին», - ասել է նա:

Միլլերն ընդգծել է, որ Միացյալ Նահանգները հանձնառու է Հայաստան-Ադրբեջան խաղաղության բանակցություններին: