ԱՄՆ Կոնգրեսը հայտնել է «ազգային անվտանգության լուրջ սպառնալիքի մասին»
Ներկայացուցիչների պալատի հետախուզության հանձնաժողովի նախագահ, հանրապետական Մայք Թերները հայտարարություն է տարածել՝ նախազգուշացնելով «ազգային անվտանգությանը սպառնացող լուրջ սպառնալիքի» մասին և ԱՄՆ նախագահ Ջո Բայդենից պահանջելով «գաղտնազերծել այդ «սպառնալիքի» հետ կապված բոլոր տեղեկությունները»։ հայտնում է NBC News-ը։
Թերներն ասել է, որ կոմիտեն Կոնգրեսի բոլոր անդամներին հասանելի է դարձրել «ազգային անվտանգությանը սպառնացող լուրջ սպառնալիքի մասին տեղեկությունները»: Նա չի մանրամասնել, թե ինչ «սպառնալիքի» մասին է խոսքը։
Նա խնդրել է Բայդենին «գաղտնազերծել այս սպառնալիքի հետ կապված բոլոր տեղեկությունները, որպեսզի Կոնգրեսը, վարչակազմը և մեր դաշնակիցները կարողանան բաց քննարկել այս սպառնալիքին արձագանքելու համար անհրաժեշտ գործողությունները»:
NBC News-ի դեմոկրատական աղբյուրը, որը «ծանոթ է սպառնալիքին», ասում է, որ դա «լուրջ խնդիր է, որը կարող է հանգեցնել ապակայունացման և սպառնալիքի ազգային անվտանգությանը»: Նա դա որակել է որպես «պոտենցիալ արտաքին սպառնալիք», սակայն չի հստակեցրել, թե որտեղից է այն գալիս:
CNN-ը, վկայակոչելով աղբյուրներ, հայտնում է, որ սպառնալիքը կապված է Ռուսաստանի հետ։ Reuters-ը նույնպես, պնդում է, որ «սպառնալիքը» կապված է Ռուսաստանի և «տիեզերական գործողությունների» հետ: Գործակալության զրուցակիցներն այլ մանրամասներ չեն հայտնել։
