Պուտինը ոչ մի դեպքում չի պարտվի Ուկրաինայում․ Մասկ
Ամերիկացի գործարար Իլոն Մասկը Հանրապետական ամերիկացի սենատորներին հայտարարել է, որ Ռուսաստանի նախագահ Վլադիմիր Պուտինը «ոչ մի դեպքում» չի կարող պարտվել Ուկրաինայի հակամարտությունում: Այս մասին հայտնում է Bloomberg-ը։
X Spaces ֆորումի քննարկման ժամանակ, որը X սոցիալական ցանցի պլատֆորմի մի մասն է, սենատոր Ռոն Ջոնսոնն ընդգծել է, որ բոլոր նրանք, ովքեր հավատում են Ուկրաինայի հաղթանակին, «ապրում են ֆանտազիայի աշխարհում»: Մասկը համաձայնել է նրա հետ և դեմ Է արտահայտվել Ուկրաինային ռազմական աջակցությանը։
Մասկի կարծիքով՝ Պուտինը «ոչ մի դեպքում չի պարտվի» Ուկրաինայում։ Երբ միլիարդատիրոջը սկսեցին մեղադրել այն բանում, որ նա Ռուսաստանի նախագահի կողմնակիցն է, Մասկը նման ենթադրություններն անվանեց «անհեթեթ»:
Մինչ այդ Իլոն Մասկն իր համաձայնությունն էր հայտնել Վլադիմիր Պուտինի այն կարծիքի հետ, որ ԱՄՆ-ն կոպիտ ռազմավարական սխալ է թույլ տվել՝ դոլարն օգտագործելով որպես գործիք համաշխարհային ասպարեզում պայքարելու համար:
