ՌԴ ԱԳ փոխնախարարը՝ Ադրբեջանից Սյունիքի մարզով դեպի Նախիջևան երկաթգիծի մասին

Հարավային Կովկասում տրանսպորտային հաղորդակցությունների ապաշրջափակման հարցերով ՌԴ-ի, Հայաստանի և Ադրբեջանի փոխվարչապետների նախագահությամբ եռակողմ աշխատանքային խմբի շրջանակում ընդհանուր ըմբռնում կա առ այն, թե ինչպես կարող է վերականգնվել երկաթուղային հաղորդակցությունը։ Այս մասին Ռոսիա 24 հեռուստաալիքին տված հարցազրույցում ասել է Ռուսաստանի փոխարտգործնախարար Միխայիլ Գալուզինը։

«Խոսքը, մասնավորապես, Ադրբեջանից՝ Հայաստանի Սյունիքի մարզով դեպի Նախիջևան երկաթգծի մասին է: Ինչ վերաբերում է հայ-ադրբեջանական սահմանի սահմանազատմանը, ապա Ռուսաստանը Բաքվին և Երևանին առաջարկում է խորհրդատվական ծառայություններ, քանի որ միայն Մոսկվան ունի համապատասխան բացառիկ տեղագրական նյութեր», - ասել է Գալուզինը։