ՆԱՏՕ-ի նոր գլխավոր քարտուղարի ընտրությունը կարող է ավարտվել առաջին եռամսյակում. ԱՄՆ մշտական ​​ներկայացուցիչ

Հյուսիսատլանտյան դաշինքի (ՆԱՏՕ) նոր գլխավոր քարտուղարի ընտրությունը, ամենայն հավանականությամբ, կավարտվի այս տարվա առաջին եռամսյակում։ Այս մասին հայտարարել է ՆԱՏՕ-ում ԱՄՆ մշտական ​​ներկայացուցիչ Ջուլիանա Սմիթը։

«Ինձ թվում է, որ դաշնակիցները լիովին շահագրգռված են ավարտելու ընտրության գործընթացը, հավանաբար այս օրացուցային տարվա առաջին եռամսյակում: Հնարավորության սահմաններում մենք եռանդուն ենք այս գործընթացն ավարտելու հարցում»,- ասել է ամերիկացի դիվանագետը՝ մեկնաբանելով ՆԱՏՕ-ի նոր գլխավոր քարտուղարի նշանակումը:

Նա հրաժարվել է ենթադրություններ անել, թե ով կարող է փոխարինել Յենս Ստոլտենբերգին այս պաշտոնում։ Միաժամանակ Սմիթը հաստատել է, որ Հյուսիսատլանտյան դաշինքը դիտարկում է, մասնավորապես, Նիդեռլանդների վարչապետի պաշտոնակատար Մարկ Ռյուտեի թեկնածությունը, ով ցանկություն է հայտնել փոխարինել Ստոլտենբերգին։ «Սակայն ընտրության գործընթացը շարունակվում է», - ասել է Սմիթը: