ՏԵՍԱՆՅՈՒԹ. Նոր կադրեր` Խարկովում անօդաչու սարքերով հարձակման հետևանքով նավթի պահեստում տեղի ունեցած պայթյունից
Ուկրաինայի Խարկով քաղաքում հրդեհը բռնկվել է նավթի պահեստում պայթյունի հետևանքով: ՌԻԱ Նովոստիի փոխանցմամբ`Խարկովի մարզի ոստիկանության քննչական վարչության պետ Սերգեյ Բոլվինովի խոսքերը մեջբերում է Խարկովի հանրային հեռուստաալիքի կայքը։
Շաբաթ օրը ավելի վաղ Խարկովի շրջանային դատախազությունը տեղեկություն էր տարածել, որ պայթյունի հետևանքով Խարկովում հիմնովին ավերվել է կարևոր ենթակառուցվածքային օբյեկտ։ Շաբաթ գիշերը ուկրաինական «Strana» հրատարակությունը հայտնել է քաղաքում պայթյունների մասին, իսկ ավելի ուշ Ուկրաինայի ազգային ոստիկանությունը հայտարարել է պայթյուններից հետո Խարկովում մի քանի խոշոր հրդեհների մասին։
«Ռուսները հարվածել են... նավթի պահեստին։ Հարվածի հետևանքով այս նավթապահեստում պայթյուն է տեղի ունեցել, տանկերը վնասվել են՝ առաջացնելով վառելիքի և քսանյութերի արտահոսք։ Դիզելն ու բենզինը խառնվել են ձյան հետ»,– ասել է Բոլվինովը։
Իր հերթին Խարկովի շրջանային ռազմական վարչակազմի ղեկավար Օլեգ Սինեգուբովը հայտնել է, որ Խարկովում վառելիքի կրկնակի արտահոսքի սպառնալիքը պահպանվում է։ Նավթի պահեստի տարածքում, նրա խոսքով, տարհանվել է 50 մարդ։
Հավելենք, որ Խարկովի գիշերային հարձակման հետևանքով զոհերի թիվն արդեն հասել է 57-ի, այս մասին հայտարարել է քաղաքապետ Իգոր Տերեխովը։ Ավելի վաղ հայտնել էինք նաև, որ Խարկովում 7 մարդ է մահացել այս հարձակման պատճառով: Նրանց թվում կա 3 երեխա:
