Նեթանյահուն մտադիր է Գազայում ռազմական գործողությունն ավարտել մինչև մահմեդականների սուրբ Ռամադան ամիսը

Իսրայելի վարչապետ Բենյամին Նեթանյահուն կարծում է, որ միջազգային ճնշման պատճառով Գազայի հատվածի հարավում գտնվող Ռաֆահ քաղաքում ՀԱՄԱՍ-ի գումարտակների ոչնչացման գործողությունը պետք է ավարտվի մեկ ամսվա ընթացքում՝ մինչև մարտի 10-ը։ Այս մասին հայտնում է Times of Israel թերթը։

Ըստ իսրայելական 12–րդ ալիքի, վարչապետը վերջերս ռազմական կաբինետի հետ հանդիպմանը ասել է, որ, հաշվի առնելով միջազգային ճնշումը, Գազայի հատվածի ամենահարավային քաղաքում գործողությունը պետք է ավարտվի մինչև մահմեդականների սուրբ Ռամադան ամիսը, որը 2024թ.–ին, ըստ արաբ աստղագետների, ընկնում է մարտի 11-ից ապրիլի 9-ն ընկած ժամանակահատվածում:

Նույն հանդիպմանը, ինչպես պնդում է ալիքը, Իսրայելի պաշտպանության բանակի գլխավոր շտաբի ղեկավար Հերզի Հալևին Նեթանյահուին ասել է, որ զինվորականները պատրաստ են գործողությանը, սակայն անհրաժեշտ է, որ Իսրայելի կառավարությունը նախ որոշի պլանը։