Իրանի ֆուտբոլի ֆեդերացիան ՖԻՖԱ-ից պահանջում է Իսրայելի թիմերին հեռացնել խաղերից
Իրանի ֆուտբոլի ֆեդերացիան դիմել է ՖԻՖԱ-ին՝ Գազայի հատվածում պատերազմի պատճառով իսրայելական բոլոր թիմերին մրցումներից հեռացնելու համար։
Ավելի վաղ՝ փետրվարի 8-ին, ՖԻՖԱ-ին նման կոչով դիմել էին Մերձավոր Արևելքի 12 երկրներ։ Խմբում ընդգրկված էին Հորդանանի, Պաղեստինի, Սաուդյան Արաբիայի, Կատարի, ԱՄԷ-ի, Բահրեյնի, Իրաքի, Քուվեյթի, Լիբանանի, Օմանի, Սիրիայի, Եմենի ֆուտբոլի ֆեդերացիաները։
