Զելենսկին պաշտոնանկ արված Զալուժնիին Ուկրաինայի հերոսի կոչում է շնորհել

Ուկրաինայի նախագահ Վլադիմիր Զելենսկին Վալերի Զալուժնիին Զինված ուժերի գլխավոր հրամանատարի պաշտոնից հեռացնելուց հետո նրան Ուկրաինայի հերոսի կոչում է շնորհել։

Զալուժնին այդ բարձր պարգևին է արժանացել «երկրի պետական ինքնիշխանության և տարածքային ամբողջականության պաշտպանության գործում ակնառու ձեռքբերումների համար», - նշում է Ուկրաինայի նախագահի մամլո ծառայությունը։ Հաղորդագրության համաձայն՝ նախկին բարձրաստիճան զինվորականը պարգևատրվել է նաև Ոսկե աստղի շքանշանով։

Ուկրաինայի հերոսի կոչում է շնորհվել նաև պաշտպանության նախարարության գլխավոր հետախուզական վարչության պետ Կիրիլ Բուդանովին։