Ուզում եմ հարցնել՝ Զալուժնին էլ չի՞ եղել Ուկրաինայի ԶՈւ-ում, թե դեռ հիշում են, որ եղել է․ Զախարովա
Ռուսաստանի ԱԳՆ պաշտոնական ներկայացուցիչ Մարիա Զախարովան ՌԻԱ Նովոստիի հետ զրույցում կասկած է հայտնել, որ Կիևը հիշում է Ուկրաինայի զինված ուժերի նախկին գլխավոր հրամանատար Վալերի Զալուժնիի՝ ուկրաինական բանակի շարքերում գտնվելու մասին:
Այսպես է նա արձագանքել Ուկրաինայի ազգային անվտանգության խորհրդի քարտուղար Ալեքսեյ Դանիլովի հայտարարություններին Բելգորոդի մարզում կործանված ռուսական Իլ-76 ինքնաթիռում ուկրաինացի գերիների բացակայության մասին:
«Ուզում եմ հարցնել՝ Զալուժնին էլ չի՞ եղել Ուկրաինայի Զինված ուժերում, թե՞ դեռ հիշում են, որ եղել է»,- ասել Է Զախարովան։
Ուկրաինայի նախագահ Վլադիմիր Զելենսկին փետրվարի 8-ին պաշտոնանկ է արել Ուկրաինայի զինված ուժերի նախկին գլխավոր հրամանատար, գեներալ Վալերի Զալուժնիին: Նրա փոխարեն նա նշանակեց ցամաքային զորքերի հրամանատար, գեներալ-գնդապետ Ալեքսանդր Սիրսկուն։
