ՌԴ-ի և ՆԱՏՕ-ի հակամարտությունը կարող է սկսվել 3-5 տարի անց. Դանիայի ՊՆ
ՆԱՏՕ-ի և Ռուսաստանի միջև ռազմական հակամարտությունը կարող է սկսվել առաջիկա 3-5 տարում։ Ժամկետների նման կանխատեսմամբ է հանդես եկել Դանիայի պաշտպանության նախարար Թրոելս Լուն Պոուլսենը, նրա խոսքը մեջբերում է Reuters գործակալությունը:
«Չի կարելի բացառել, որ երեք-հինգ տարվա ընթացքում Ռուսաստանը կստուգի ՆԱՏՕ-ի հինգերորդ հոդվածը եւ դաշինքի համերաշխությունը»,- հայտարարել է զինվորականը՝ հավելելով, որ Կրեմլը «ցանկություն ունի դա անել»:
Տրոելսի խոսքով՝ Դանիան դժվար թե ուղղակի հարձակման ենթարկվի, սակայն կարող է բախվել Ռուսաստանի կողմից հիբրիդային հարձակումների սպառնալիքի հետ:
Հունվարին հայտնի դարձավ, որ Գերմանիան ՆԱՏՕ-ի և Ռուսաստանի միջև պատերազմի ծրագիր է մշակում, որը, ըստ գերմանական պաշտպանության նախարարության սցենարի, կարող է սկսվել 2025 թվականի ամռանը: Բախման ամենահավանական վայր է ճանաչվել Բելառուսի և Կալինինգրադի մարզի միջև Սուվալկի միջանցքը։
