Իրանում ԱՄՆ-ին զգուշացրել են Իսրայելին աջակցելու հետևանքների մասին
Իսրայելի իշխանությունները Վաշինգտոնին կխեղդեն «պատերազմի ճահիճում» Մերձավոր Արևելքում, հատկապես Գազայում: Թել Ավիվը 4 ամսվա պատերազմի ընթացքում չի հասել իր նպատակներից որևէ մեկին։ Այս մասին Tasnim գործակալությանը հայտնել Է Իրանի ԱԳ նախարար Հոսեյն Ամիր Աբդոլլահիանը՝ Լիբանան ժամանելուց հետո: Տեղեկությունը փոխանցում է ՌԻԱ Նովոստին։
«Իսրայելի պատերազմից 4 ամիս անց այսօր մենք տեսնում ենք, որ Թել Ավիվը չի հասել հայտարարված նպատակներից ոչ մեկին։ ԱՄՆ-ի կողմից Նեթանյահուին աջակցության շարունակումը ոչ մի այլ բանի չի հանգեցնի, քան ակնհայտ ձախողման։ Իսրայելական ռեժիմը ձգտում է ԱՄՆ-ին խեղդել Մերձավոր Արեւելքում պատերազմի ճահճում»,- մեջբերում Է գործակալությունը Աբդոլլահիանի խոսքը։
Նա նաև հավելել է, որ ՀԱՄԱՍ-ն արդեն առաջարկել է պաղեստինա-իսրայելական հակամարտության կարգավորման իր քաղաքական ծրագիրը:
«Իրանը հայտարարել է, որ Միացյալ Նահանգներին չի աջակցի Իսրայելին Գազայի դեմ հանցագործություններում»,- ընդգծել է Աբդոլլահիանը:
