ՏԵՍԱՆՅՈՒԹ. Հայտնի գեղասահորդներ տեղափոխող ինքնաթիռը կոշտ վայրէջք է կատարել և թռիչքուղուց սահել ձնակույտի մեջ. ՌԴ

ՌԴ-ի Սարանսկում հայտնի գեղասահորդներ և մարզիչ Տատյանա Տարասովային տեղափոխող ինքնաթիռը կոշտ վայրէջք է կատարել և թռիչքուղուց սահել ձնակույտի մեջ։ Ինքնաթիռում ընդհանուր առմամբ եղել է 87 ուղեւոր, այդ թվում՝ անձնակազմի անդամները։

«Ռոսիա ավիաուղիներ»-ի Մորդովիա չվերթի ուղևորների թվում էին ԽՍՀՄ վաստակավոր մարզիչ Տատյանա Տարասովան, ինչպես նաև գեղասահորդներ Սվետլանա Սոկոլովսկայան և Ալեքսեյ Տիխոնովը։ Նրանք թռչել են գեղասահքի Ռուսաստանի պատանեկան առաջնություն, փոխանցում է ՏԱՍՍ-ը։

Ականատեսները «Իզվեստիային» պատմել են, որ «ինքնաթիռը կողքից այն կողմ օրորվել է, իսկ հետո կտրուկ արգելակվել է», սակայն, չնայած կոշտ վայրէջքին, ոչ ոք չի տուժել։

Օդային տրանսպորտի դաշնային գործակալությունը հայտնել է, որ ինքնաթիռը դուրս է եկել թռիչքուղուց մոտ 10 մետրով: Սարանսկի օդանավակայանը ժամանակավորապես փակ է. Դեպքի առթիվ Քննչական կոմիտեն քննություն է իրականացնում։