ՏԵՍԱՆՅՈՒԹ. Ամենաանձրևոտ օրը. Կալիֆոռնիայում ջրհեղեղներ են

Կիրակի երեկոյան, Խաղաղօվկիանոսյան երկու հզոր փոթորիկներ հարվածել են Կալիֆոռնիային՝ նահանգում ջրհեղեղներ առաջացնելով։ Լոս Անջելեսի Ազգային օդերեւութաբանական ծառայությունը հայտնել է, որ «ծայրահեղ վտանգավոր իրավիճակ» է գրանցվել Հոլիվուդ Հիլզ շրջանում, ինչպես նաև Սանտա Մոնիկա լեռների մոտ։ Այս վայրերում կանխատեսվում էին սողանքներ։

Ավելի քան 800 հազար մարդ մնացել է առանց էլեկտրականության և մի քանի քաղաքների բնակիչների տարհանման պահանջ է առաջացել։ Ինչպես հայտնում է CNN-ը, այժմ ԱՄՆ-ի հարավում դեռ տների հեղեղման վտանգ կա, քանի որ տեղումները կարող են տևել մինչև երեքշաբթի։

Լոս Անջելեսի տարածքում սա ամենաանձրևոտ օրն էր վերջին 20 տարվա ընթացքում։